Jazzklúbburinn Múlinn
Athugið að klúbburinn hefur flutt sig um set.
Áður auglýstir tónleikar í júlí og ágúst sem áttu að fara fram á Bar 11 verða í Risinu (áður Glaumbar), Tryggvagötu 20.
Dagskrá Múlans í júlí og ágúst er óbreytt.
1. júlí: Matthías Hemstock Quartet.
Trommarinn Matthías Hemstock leikur valin lög úr katalóg hljómsveita Miles Davis frá tímabilinu '56-'64 ásamt einvalaliði.
Ari B. Kárason, trompet, flygilhorn, Agnar M. Magnússon, píanó, Þorgrímur Jónsson, bassi, Matthías Hemstock, trommur
8. júli: Frönsk sveifla og Djangojazz.
Gítarleikarinn Gunnar Hilmarsson leiðir tríó sitt og býður til sín fjölmörgum gestum. Innblásið af Quintette du Hot Club de France og jazz manouche.
Gunnar Hilmarsson, gítar, Jóhann Guðmundsson, gítar, Leifur Gunnarsson, bassi gestir : Vadim Fedorov, harmóníka, Dan Cassidy, fiðla, Hjörtur Steinarsson, gítar, Ólafur Haukur Árnason, gítar o.fl.
15. júlí: Tvær hliðar Dúóformsins
Dúóformið er áhugaverður og krefjandi vettvangur í tónlist. Á þessum tónleikum gefst áhorfendum kostur á að heyra tvö ólík atriði flytja tónlist af ólíkum uppruna.
Kristjana Stefánsdóttir söngkona og Agnar M. Magnússon píanisti leika mörg af sínum uppáhaldslögum allt frá ABBA til Erroll Garner.
Daníel Friðrik Böðvarsson gítarleikari og Ari B. Kárason trompetleikari spila frumsamda tónlist af ýmsum toga og freista þess að feta ótroðnar slóðir.
22. júlí: Reginfirra.
Hljómsveitin Reginfirra leikur gáskafullan sumarleyfisjazz og gefur forsmekkinn að fyrsta geisladisk sveitarinnar sem kemur út í lok sumars.
Ingimar Andersen altó saxófónn, Kristján Martinsson píanó og hljómborð, Daníel Friðrik Böðvarsson gítar og Magnús Tryggvason Elíassen trommur.
29. júlí: Fusionhljómsveit Bjarna Sveinbjörnssonar.
Á þessum tónleikum verður flutt fusion-tónlist sem finna má á geisladiski hljómsveitarstjórans "About Time" sem kom út s.l. haust auk nýrra efnis.
Bjarni Sveinbjörnsson, rafbassi, Agnar M. Magnússon, píanó, Ásgeir Ásgeirsson, gítar, Erik Qvick, trommur, Edda Borg, hljómborð
5. ágúst: Skver
Skver kvartettinn er leiddur af gítaristanum Steinari Guðjónssyni. Öll tónlist Skver er frumsamin og innblásin af hljómsveitum eins og EST, Bad Plus, Tyft, Brad Mehldau o.fl.
Steinar Guðjónsson, rafgítar, Helgi Rúnar Heiðarsson, tenor saxófónn, Höskuldur Eiríksson, trommur, Leifur Gunnarsson, bassi
12. ágúst: Charlie Parker Tribute.
Kick-off fyrir Jazzhátíð Reykjavíkur 2010. Haldið upp á 90 ára fæðingarafmæli Charlie "Bird" Parker með pompi og prakt.
Ýmsir hljóðfæraleikarar koma fram. Nánar auglýst síðar.
Jazzklúbburinn Múlinn er samstarfsverkefni Félags Íslenskra Hljómlistarmanna (FÍH) og Jazzvakningar. Klúbburinn heitir í höfuðið á helsta jazzgeggjara þjóðarinnar, Jóni Múla Árnasyni sem jafnframt var heiðursfélagi og verndari Múlans. Tónleikar Múlans hefjast yfirleitt kl. 21:00 og er 1.500 kr. aðgangangseyrir, en 1.000 kr. fyrir nema. Jazzklúbburinn Múlinn heldur áfram starfsemi sinni í sumar eftir ágæta vetrarvertíð. Tónleikar Múlans fara fram í Risinu (áður Glaumbar), Tryggvagötu 20.
Dagskrá Múlans er að vanda metnaðarfull og fjölbreytt. Hún er gott dæmi um þá miklu grósku sem einkennir íslenskt jazzlíf. Á Múlanum er pláss fyrir allar stefnur og strauma innan jazzins. Múlinn er styrktur af Reykjavíkurborg, Tónlistarsjóði og Menningarsjóði FÍH. Hafa samband:
mulinn.jazzklubbur@gmail.com
